Grabitjet nën kërcënimin e armëve të ftohta vazhdojnë të paraqesin shqetësim në vend, ku shpesh viktima bëhen edhe të miturit. Një rast i tillë ka ndodhur mbrëmë në rrugën “Xheladin Kurbaliu” në Prishtinë, ku një 15-vjeçar është grabitur nën kërcënimin e thikës.

I dyshuari, rreth 23 vjeç, e ka kërcënuar të miturin dhe i ka marrë nga dora një zinxhir ari me vlerë rreth 1,900 euro, në momentin kur ai ishte ndalur për të përshëndetur një të njohur.

Rasti është denoncuar në polici nga i mituri në prani të nënës së tij, ndërsa me urdhër të Prokurorisë së Krimeve të Rënda është hapur si “Grabitje”.