Policia e Kosovës ka parandaluar një tentativë të shmangies nga taksat doganore në pikën kufitare të Hanit të Elezit.

Më 29 korrik, një shtetas i Maqedonisë së Veriut u ndalua gjatë kontrollit të automjetit që drejtonte, ku u gjetën 3,780 palë çorape të markave të mbrojtura tregtare dhe 47 thika gjahu me këllëfe, të gjitha pa dokumentacion shoqërues.

Rasti është cilësuar si “Shmangie nga taksat doganore”, mallrat janë konfiskuar dhe dorëzuar Doganës së Kosovës, ndërsa personi i dyshuar është liruar në procedurë të rregullt.