Komuna e Vushtrrisë jep 15 mijë euro për asgjësimin e mbeturinave medicinale

Një nga tenderët e fundit që ka dhënë Komuna e Vushtrrisë, është ai për sektorin e shëndetësisë.

Kjo komunë, ka ndarë 15 mijë euro për t’i asgjësuar mbeturinat medicinale, raporton Zëri i Vushtrrisë.

Këto mbeturina, sipas kontratës, janë të krijuara në Qendrën Kryesore të Mjekësisë Familjare, nga e cila duhet të largohen.

“Lënda ka të bëjë me asgjesimin e mbeturinave mjekësore të krijuara në QKMF”, thuhet në kontratë.

Aty nuk janë dhënë detaje për kompaninë që ka fituar tenderin, vetëm që specifikohet se periudha e kësaj kontrate është 36 mujore.