Policia në Vushtrri konfiskon një armë zjarri pa leje

Vushtrri, 10 korrik 2025 — Njësitet policore të Stacionit Policor në Vushtrri kanë konfiskuar një armë zjarri të llojit “Pistoletë” gjatë një kontrolli të detajuar të një veture, rreth orës 00:45 të mëngjesit të sotëm.

Gjatë kontrollit, arma u gjet në posedim të një të dyshuari mashkull kosovar, i cili nuk posedonte leje për mbajtjen e saj.

I dyshuari është intervistuar dhe më pas është liruar në procedurë të rregullt, ndërkohë që ndaj tij është iniciuar rasti për veprën penale “Mbajtje në pronësi, kontroll ose posedim të paautorizuar të armëve”.