Sot mbahet seanca e 44-të – A do të zhbllokohet ngërçi politik?

Kuvendi i Kosovës mblidhet sot në orën 11:00 për seancën e 44-të konstituive, mes një ngërçi politik që vazhdon për shkak të mospajtimeve për mënyrën e votimit të kryetares së Kuvendit.

PDK, LDK dhe AAK kundërshtojnë kandidaturën e Albulena Haxhiut të propozuar nga Vetëvendosje dhe kërkojnë votim të hapur, jo të fshehtë. Në seancën e kaluar, kryesuesi Avni Dehari ndërpreu fjalimet e deputetëve që kërkonin ndryshim të procedurës. Mbetet të shihet nëse sot do të ketë përparim.