Haradinaj: Kurti e ka vendosur ta bëjë më keq Kosovën

Kryetari i AAK-së, Ramush Haradinaj, akuzoi kryeministrin në detyrë, Albin Kurti, për përkeqësim të qëllimshëm të krizës politike pas dështimit të 39-të të Kuvendit për t’u konstituar.

Haradinaj tha se Kurti po injoron dialogun institucional dhe refuzon zgjidhjet kushtetuese, duke bllokuar procesin me qëllim. Ai theksoi se votimi i hapur është rruga e daljes nga kriza, por Vetëvendosje po e kundërshton.