Kurti: Ofruam dy kompromise, por opozita i refuzoi

Kryetari i VV-së, Albin Kurti, pas takimit me liderët politikë, tha se partia e tij ofroi dy propozime për të tejkaluar ngërçin institucional, por opozita nuk tregoi vullnet për marrëveshje.

Ai tha se kompromisi i parë ishte tërheqja e kandidaturës së Albulena Haxhiut nëse nuk merrte 61 vota në votimin e fshehtë. I dyti ishte një paketë e përbashkët për votimin e kryetarit dhe nënkryetarëve të Kuvendit.

Kurti akuzoi PDK-në dhe LDK-në për interpretim të gabuar të aktgjykimit të Kushtetueses dhe tha se takimi ndihmoi në sqarimin e pozicioneve, por mbetet skeptik për një marrëveshje politike.