Qelaj: Vendimi i ZRRE-së i nxituar, cenon të drejtat e qytetarëve

Avokati i Popullit, Naim Qelaj, ka kritikuar vendimin e ZRRE-së për daljen e bizneseve në tregun e lirë të energjisë, duke e cilësuar të nxituar dhe problematik për të drejtat dhe barazinë e qytetarëve.

Ai tha se në rrethana kur mungon debati parlamentar, vendimet e tilla cenojnë interesin publik. Qelaj kërkoi nga Qeveria të ofrojë zgjidhje më të favorshme dhe paralajmëroi se përballja gjyqësore me këtë vendim mund të sjellë pabarazi dhe diskriminim mes konsumatorëve.

Sipas tij, zbatimi i këtij vendimi rrezikon që shumë biznese të përballen me vështirësi dhe humbje të vendeve të punës.