Kurti fton liderët politikë në takim për konstituimin e Kuvendit

Kryeministri në detyrë, Albin Kurti, ka reaguar pas aktgjykimit të Gjykatës Kushtetuese, e cila thekson se obligimi për konstituimin e Kuvendit i takon të gjithë deputetëve, jo vetëm subjektit të parë.

Në emër të Lëvizjes VETËVENDOSJE! dhe grupit më të madh parlamentar, Kurti ka ftuar krerët e partive parlamentare në një takim të përbashkët që do të mbahet të shtunën në orën 16:00, me synimin për të arritur një konsensus për konstituimin e Kuvendit të legjislaturës së nëntë.