“ÇELET KULETA” – Komuna e Vushtrrisë jep mbi gjysmëmilioni euro për drunj dekorativë

Qytetet e Kosovës vazhdojnë të kenë mungesë të gjelbërimit.

Betoni, çdo ditë e më shumë po ua “zë” frymën qytetarëve, raporton Zëri i Vushtrrisë.

Edhe Vushtrria është në mesin e qyteteve që ka fare pak hapësira gjelbëruese, e pak drunj dekorativ, përveç disa vendeve,

E për furnizim dhe mbjellje të drunjve dekorativë, Komuna e Vushtrrisë ka dhënë hiq më pak se mbi gjysmëmilioni euro.

Kontrata në vlerë prej 550 mijë eurosh tashmë është mënshkruar dhe atë e ka fituar operatori “N.T.P. LULISHTJA BUÇAJ”.

Kohëzgjatja e kontratës është për tri vjet dhe do të përdoret nga institucionet lokale që duan të shtojnë hapësirat gjelbëruese dhe të mbjellin drunj dekorativë. /Zëri i Vushtrrisë