Sveçla i bën thirrje Arsenijeviqit të dorëzohet para ligjit për armë në pronën e tij

Ministri në detyrë i Punëve të Brendshme, Xhelal Sveçla, ka bërë thirrje që kryetari i partisë “Demokracia serbe”, Aleksandar Arsenijeviq, të dorëzohet sa më shpejt para ligjit.

Kjo pas gjetjes së një sasie armësh në pronën e Arsenijeviqit gjatë një bastisjeje në Zveçan, që sipas Sveçlës, lidhen me një njësit terrorist.

Ai theksoi se Arsenijeviq është i dyshuar për përfshirje në aktivitete kriminale dhe terroriste dhe se duhet të japë përgjigje ligjore për veprimet e tij.

“Ky ka tentuar të krijojë imazhin e një opozitari, por faktet tregojnë përfshirjen në aktivitete kriminale dhe terroriste,” tha Sveçla.