Njësia K9 e Policisë së Kosovës pranon pesë vetura të reja dhe një qen zyrtar të racës Malinois Belg

Policia e Kosovës, në bashkëpunim me OSBE-në dhe ambasadat e Francës dhe Gjermanisë, ka pranuar sot 5 automjete speciale dhe një qen zyrtar të racës Malinois Belg, për njësinë K9.

Donacioni synon të forcojë kapacitetet operacionale të Policisë në luftën kundër krimit dhe në situata të rrezikshme.

Drejtori i Policisë, Kolonel Gazmend Hoxha, dhe përfaqësues ndërkombëtarë theksuan rëndësinë e bashkëpunimit në fushën e sigurisë.

Donacioni u realizua në kampin Vrella dhe u shoqërua me një ushtrim praktik të njësisë K9.