Deputeti i Aleanca për Ardhmërinë e Kosovës, Bekë Berisha, ka reaguar lidhur me procesin e zgjedhjes së presidentit, duke renditur disa kritere që sipas tij duhet t’i plotësojë çdo kandidat për këtë post.

Berisha ka theksuar se presidenti duhet të ketë integritet të lartë, të flasë shqip rrjedhshëm, të jetë pranë qytetarëve dhe të respektojë traditat e vendit.

Ai ka nënvizuar gjithashtu se kandidati për president nuk duhet të marrë përgjegjësi për nënshkrimet e Asociacionit të komunave me shumicë serbe (Zajednica), duhet të caktojë një datë të drejtë për zgjedhje dhe të mos sillet në rolin e noterit.

Sipas Berishës, përmbushja e këtyre kushteve do të garantonte një proces të drejtë dhe do të sillte një figurë presidenciale të besueshme për vendin.