Prokuroria Themelore në Prishtinë ka filluar hetimet lidhur me dyshimet për keqpërdorime gjatë procesit të votimit në komunën e Drenasit.

Në kuadër të këtij rasti, Prokuroria ka nisur intervistimin e anëtarëve të Qendrës Komunale të Numërimit dhe Rezultateve në Drenas, ndërsa hetimet po zhvillohen në bashkëpunim me Policinë e Kosovës.

Sipas njoftimit, qëllimi i hetimeve është sqarimi i plotë i të gjitha rrethanave dhe dyshimeve që lidhen me këtë rast, me synim garantimin e ligjshmërisë së procesit zgjedhor.