Ish-shefja e Grupit Parlamentar të Lëvizjes Vetëvendosje, Mimoza Kusari-Lila, ka deklaruar se nuk ka vend për një qëndrim pozitiv ndaj Listës Serbe për emërimin e nënkryetarit të Kuvendit.

Ajo tha se ky subjekt politik nuk ka treguar vullnetin minimal për të marrë përgjegjësi, duke përmendur rastin e Afrim Bunjakut, dhe nuk ka dhënë shenja për të mbështetur një rrugëtim progresiv për Kosovën. Kusari theksoi se duhet pritur publikimi i plotë i vendimit të Gjykatës Kushtetuese për të parë veprimet e mëtejshme.

Pak ditë më parë, Gjykata Kushtetuese shpalli antikushtetuese zgjedhjen e Nenad Rashiqit si nënkryetar të Kuvendit, pasi deputetët nuk e propozuan atë sipas shumicës së komunitetit serb dhe nuk përdorën mekanizmat debllokues për konstituimin e Kuvendit.