Njësia për Hetimin e Trafikimit me Narkotikë në rajonin e Prizrenit zhvilloi një aksion të gjerë antidrogë në Suharekë dhe rrethinë, duke bastisur katër lokacione dhe arrestuar tre persona, përfshirë të njohurin me nofkën “B.S.”.

Operacioni u realizua me urdhër të Gjykatës Themelore dhe në koordinim me prokurorin kompetent, pas hetimeve për veprat penale që lidhen me narkotikë dhe armë pa leje. Bastisjet përfshinë:

• Shtëpinë dhe objektet e S.K. në rrugën “Skënderbeu”.
• Shtëpinë dhe objektet e A.K. në rrugën “Skënderbeu”.
• Shtëpinë dhe objektet e F.F. në fshatin Peqan.
• Lokalin “Buble” në rrugën “Abdyl Ramaj”, i shfrytëzuar nga A.K.

Gjatë kontrolleve, policia sekuestruar:

• 508 gram marihuanë dhe 2.05 gram kokainë.
• Një peshore elektronike.
• Një pistoletë M57 me karikator dhe 5 fishekë.
• Dy automjete, një VW kamionetë dhe një Peugeot.
• Para të gatshme: 2,500 euro, 500 franga zvicerane dhe 2,400 euro shtesë.
• Katër telefona mobil dhe prova të tjera.

Pas bastisjeve, S.K., A.K. dhe F.F. u shoqëruan në polici dhe u ndaluan për 48 orë me vendim të prokurorit. Ndërkaq, B.B. dhe E.K. janë proceduar për posedim të substancave narkotike.

Hetimet vazhdojnë dhe nuk përjashtohen veprime të tjera në vijim.