Mesfushori i Real Madrid, Toni Kroos, komentoi momentin e vështirë të klubit gjatë podcastit të tij Einfach mal Luppen, duke theksuar se situata e ekipit nuk po përmirësohet. Kroos kujtoi humbjet e vështira të së kaluarës, përfshirë eliminimin nga një skuadër e ligës së tretë dhe disfata 1-4 kundër Ajaxit në 2019, një sezon që e cilëson “për ta harruar”.

Gjermani foli për atmosferën në Santiago Bernabéu, ku lojtarët e mëdhenj shpesh kritikohen nga tifozët, duke përmendur raste si Vinícius Jr. dhe Jude Bellingham. “Një lojtar që nuk e kanë fishkëllyer në Bernabéu nuk është një lojtar i madh”, tha ai, duke theksuar presionin që vjen me fanellën e Real Madrid.

Kroos shtoi se klubi po kalon një sezon të dytë të vështirë, ku performanca dhe rezultatet nuk janë të qëlluara, por shprehu besim se skuadra do të përballojë sfidën me mentalitet të fortë dhe do të përmirësohet. Ai kujtoi se pas krizave të mëparshme, si në 2019, klubi gjithmonë ka arritur të rikuperojë dhe të kthehet më i fortë.