58 vatra zjarri në Shqipëri brenda 24 orëve, një ende aktive

Në 24 orët e fundit në Shqipëri janë regjistruar 58 vatra zjarri, prej të cilave 57 janë shuar. E vetmja vatër aktive mbetet në fshatin Markatomaj, Lezhë, ku po vazhdojnë përpjekjet për shuarjen.

Zjarret prekën disa qarqe, përfshirë Tiranën, Durrësin, Fierin, Elbasanin e Gjirokastrën. Në Tiranë, një vatër shpërtheu në shtëpinë e fëmijëve “Zyber Hallulli”, me dëme materiale.

Janë djegur rreth 32 hektarë bimësi. Në terren janë angazhuar 557 forca dhe një helikopter. Autoritetet paralajmërojnë rrezik të lartë në disa qarqe dhe bëjnë apel për kujdes.