Presidentja Vjosa Osmani, kryeparlamentari Glauk Konjufca dhe kryeministri në detyrë bënë homazhe në përvjetorin e 45-të të vrasjes së liderëve patriotikë Jusuf e Bardhosh Gërvalla dhe Kadri Zeka.

Presidentja Osmani theksoi se 17 janari është një nga ditët më të trishta për Kosovën, duke kujtuar se në këtë ditë u vra mizorisht edhe Smajl Hajdaraj. Ajo vlerësoi sakrificën e tyre, duke thënë se përmes veprës dhe guximit të tyre, ata trasuan rrugën për lirinë e popullit dhe themelimin e shtetit që Kosova gëzon sot.